Augustus

Wie kan glo dis al die 1ste Augustus 2009... En dis sommer behoorlik koud in Johannesburg, nat en triestig, lekker in die bed le weer. En die tyd vlieg behoorlik verby.
Die alewig groeiende magie...

Die uitstappie na Duitsland was net wat ons nodig gehad het. Lekker warm so voor die groot koue (natuulik nie volgens Europese standaarde nie...)
Hier is 'n paar fotos

Dan groet ons weer tot volgende keer.

Mooi bly almal!

Vaarwel Suid Afrika...

Op die vooraand van Anneke se vertrek na Duitland gaan dit woes in die Blaauw huishouding. Tas is half gepak, wag nog vir die res om droog te raak, skoene word nog skoongemaak en finale 'touches' word nog aan 'n presentation gedoen. Chaos! Maar more so teen 10uur more oggend behoort alles weer onder beheer te wees wanneer die optog Lughawe toe aangedurf word. Die vlug vertrek 13h45 met 'n vroee aankoms die volgende oggend Duitsland. Maar eers word daar 'n draai gemaak in Dubai om te sien waaroor al die bohaai is...

Die Blaauw magie groei ook deesdae teen die spoed van wit lig. Binne oefen die klein man verwoed vir 2010!

Willis gaan jag eerder as om Home Alone te wees. So, julle moet kom kuier en saam biltong eet!! Mooi bly, tot volgende keer!

Long time no see

Hulle se TIME FLIES WHE YOUR HAVING FUN... Soveel het gebeur in die bietjie meer as 'n jaar wat die Blaauws van hulle laat hoor het. Daar was al 'n troue gewees, 'n trek na die stad waar goud aan die bome groei, 'n trek na 'n groter huis met 'n swembad (waarin Anneke nog net een keer geswem het) en ook die verwagting van 'n groot koms, kleine Willem Adriaan Blaauw (dis nou te se as die Dokter 'n goeie fotograaf is). Maar intussen het ons ook een van ons babas (sy was eintlik al 'n tiener) verloor. Dierbare Toffie het die wereld gegroet vir groener weivelde die laaste langnaweek in April. Jou spore le nog oral in die tuin, teen van die mure in ons huis en natuurlik ook diep in ons harte.

Ons wil julle graag voorstel aan hierdie beloofde bondeltjie liefde, die kleine dierbare Blaauw'tjie . Hier is hy, nog veilig in sy mamma se 'bersie toegedraai...

Ons volgende ontmoeting is volgende week waar fotograaf Dokter Viljoen nog 'n paar kiekies sal neem. So, hierdie is nie die laaste wat julle van ons sal hoor nie, vriende. Inteendeel, dis maar net die begin...

Tot volgende keer!

Groei vinnig

Klein Toffie is nou besig om uit sy nate te bars, is te oulik! Begin al hoe meer spelerig word en ondersoek alles. Sy eet net iets vreesliks, het omtrent 'n permanente boepens! Dit was weer die afgelope week koud in die Kaap, sou mense kon oortuig dit is winter. Hier is 'n foto van Toffie om te wys hoe groot sy geword het.

Die tyd vlieg vinnig verby. Volgende naweek word die rok aangepas. Die 24ste November gaan ons vir Kasper gaan kyk dit is nog net 10 dae. Daar word ook finaal getrek uit die woonstel daai naweek. Willis was nou vir 4 naweke na mekaar in die Kaap, hy gaan nog vir die 24ste Nov en dan die 14de Des afkom!

Groete aan almal. Voorspoed en seen vir almal.
Cheers

Ons baba

Het hierdie week besluit, katte grootmaak is soveel makliker as kinders kry... Hulle is net vir 'n skrale 4 weke klein, dra nie doeke nie, slaap die meeste van die tyd en is te pragtig! Kan nie glo dat klein Toffie al in hierdie week so vreeslik groot gewor het nie! Hier kan julle sien haar ogies is oop na 'n besoekie by die diere hospitaal nadat haar een ogie begin op swel het! Maar soos julle kan sien is sy perd fris en gesond!

Ons het vandag haar spuit ingeruil vir 'n baba bottel en kyk net hoe lekker drink sy!

Ons maak vandag reg vir die groot trek more, en alles is klaar gepak en oppad JHB toe!

Groete

Lekker naweek!

En uiteindelik lyk dit darem asof somer vir die Kaap ook aangebreek het! Na 'n paar heerlike warm dae begin ek darem nou die wintersklere te bere. Het amper gedink ek sou dit weer hierdie naweek moet uitruk, maar toe gelukkig darem nie.

Willis is darem ook die naweek en die hele volgende naweek hier onder. Volgende week word die meubels opgestuur Johannesburg toe (hier word darem 'n matras agtergelos...) Die tyd vlieg darem behoorlik vinnig! Nog net 2 maande tot die trou, of presies te wees 63 dae (daar is nou al 'n kalender op die yskas waar daar blokkies dood getrek word... :-))

Vir die wat nog nie weet tot die nuwe toevoeging tot die "amper" Blaauw familie, sit ons 'n klein fototjie op van Toffie. Sy word grooter by die dag! Ons vermoed sy is Maandagnag gebore, wat haar vandag maar 'n skrale 5 en 'n half daggies oud maak.

Hoewel sy nog lekker klein is, is syl al lekker spelerig! Rol tog te graag op haar rug, en sommer reg in die rondte. Te oulik!

Dis behoorlik nes kind grootmaak! Of popspeel...

So ja, dis wat op die oomblik gebeur. Julle sal weer van ons hoor...

Hello almal!

Het toe ons Dinsdag weer saam Andre gekuier het daar bo by Alwyn en Esme onthou ek het 'n blogspot toe hy my herinner dat ek nog niks op my blogspot het nie! :-)

Maar ek sal weer 'n poging aanwend en sien waar ek kom.

Ek is op die oomblik siek by die werk en kan nie wag vir 5uur om aan te breek nie sodat ek net in die bed kan gaan klim.

Was tot Woendag in Johannesburg by die 'potensiele nuwe werk' en kan met trots se dis darem nie meer net 'potensieel' nie! 'n Aanbod is gemaak en die handtekeninge moet nog net op al die plekke gemaak word!

Maar dis nou finaal, 'n Johannesburger sal ek word..

Die fotos sal dan weer later volg. Daar is tans 'n probleem so julle sal weer rustig moet wag.

Mooi bly almal en lekker naweek hou!
Groete